દુનિયાના 160 દેશોમાં છે GST, જાણી લો કયા દેશે ક્યારે લાગુ કર્યું હતું

દુનિયામાં સૌથી પહેલાં જીએસટી અમલી કરનારો દેશ ફ્રાન્સ હતું. ફ્રાન્સમાં વર્ષ ૧૯૫૪માં ટેક્સની આ વ્યવસ્થા અમલી કરાઇ હતી. એ બાદ જર્મની, ઇટાલી, યુનાઇટેડ કિંગ્ડમ, સાઉથ કોરિયા, જાપાન, કેનેડા અને ઓસ્ટ્રેલિયા સહિત કેટલાય દેશોમાં આ કર પ્રણાલીનો અમલ કરાયો છે. હાલમાં દુનિયામાં લગભગ ૧૬૦ દેશોમાં એક ટેક્સવાળી ( જીએસટી / વેટ )ની વ્યવસ્થા લાગુ કરાયેલી છે. ફક્ત કેનેડા જ એવો દેશ છે, જ્યાં ડબલ જીએસટી સિસ્ટમ છે. ભારતમાં પણ આ જ સિસ્ટમને અપનાવાઇ છે. સાઉદી અરેબિયા ૨૦૧૮થી દેશમાં જીએસટી લાગુ
કરવા માટે તૈયારી કરી રહ્યો છે.

કયા દેશે ક્યારે એક ટેક્સ સિસ્ટમ લાગુ કરાઇ ?

દેશ                    ક્યારે અમલી બનાવાઇ ?      ટેક્સ દર ( ટકામાં )
ફ્રાન્સ                      ૧૯૫૪                                       ૧૯.૬
જર્મની                    ૧૯૬૮                                         ૧૯
કેનેડા                      ૧૯૯૧                                         ૫
યુકે                         ૧૯૭૩                                        ૨૦
ન્યૂઝીલેન્ડ              ૧૯૮૬                                       ૧૫
રશિયા                    ૧૯૯૧                                         ૧૮
મલેશિયા                 ૨૦૧૫                                        ૬
સિંગાપુર                 ૧૯૯૪                                         ૭
ચીન                      ૧૯૯૪                                      ૩- ૧૭
જાપાન                  ૧૯૮૯                                         ૧૦
ઓસ્ટ્રેલિયા            ૨૦૦૦                                           ૧૦
સ્વિડન                   ૧૯૬૯                                          ૨૫
પાકિસ્તાન              ૧૯૯૦                                     ૧૪-૧૭

જીએસટીના અમલ પછી દુનિયાના પાંચ દેશોમાં સ્થિતિ
દેશ              જીએસટીના અમલનું વર્ષ         જીડીપી ટકામાં ( એક વર્ષ પહેલાં )          જીડીપી ટકામાં ( અમલ કરાયો ત્યારે )
જાપાન               ૧૯૮૯                                                       ૨                                                                    ૧
કેનેડા                 ૧૯૯૧                                                    ૧.૭૫                                                              ૦.૭૫
સિંગાપુર             ૧૯૯૪                                                     ૫.૬                                                                  ૩
ઓસ્ટ્રેલિયા          ૨૦૦૦                                                      ૧                                                                  ૧.૭૫
મલેશિયા             ૨૦૧૫                                                   ૧.૭૫                                                                 ૧

જીએસટીના અમલ બાદ આ રીતે બદલાશે દેશની આર્થિક ગતિ

• આ નિર્ણય ઇઝ ઓફ ડુઇંગ બિઝનેસ ( વ્યાપાર માટેની સરળતા )ની દિશામાં પાયાનો પથ્થર સાબિત થશે. વ્યાપારની સરળતાના મામલે વર્લ્ડ બેન્કની ૧૯૦ દેશોની રેન્કિંગમાં આ વર્ષે ભારત ૧૩૦મા ક્રમે છે. રિપોર્ટમાં કહેવાય છે કે ભારતે ઉત્પાદન પરમિટ, ધિરાણ મેળવવા અને અન્ય ધારાધોરણમાં કોઇ સુધારા કર્યા નથી, પરંતુ જીએસટીનો અમલ થતાં બિઝનેસ માહોલ સુધરશે.
• જીએસટી અમલી થયા બાદ જે રાજ્યોમાં ઔદ્યોગિક કામકાજ વધુ હશે તે જ નહીં, પણ એ રાજ્યોમાં ખરીદી વધુ છે, એ રાજ્યોને પણ ફાયદો થશે. એ સંજોગોમાં જીએસટી અમલ થતાં દેશના કોઇ પણ ખૂણામાં નવા ઔદ્યોગિક એકમ બનાવી શકાશે અને તમામ રાજ્યોમાં વ્યાપાર વધારોની સંભાવના વધશે.
• એકીકૃત અને સરળ ટેક્સ વ્યવસ્થાની સાથે ઇઝ ઓફ ડુઇંગ બિઝનેસથી વિદેશી રોકાણ પણ વધવાની સંભાવના છે.